Urime: Dr. Arber Murati, specialist i ri i mjekësisë interne – vlerë e shtuar për Kërçovën

Dr. Arber Murati ka përfunduar me sukses provimin specialistik në Mjekësinë Interne, në Klinikën Universitare të Endokrinologjisë, nën mentorimin e Prof. Dr. Tatjana Milenkoviq, kryetare e komisionit, dhe para komisionit të përbërë nga Prof. Dr. Zlate Stojanoski dhe Doc. Dr. Dimitar Karkinski.

Ky sukses vjen pas një cikli gjashtëvjeçar të specializimit, i cili përfshin shtatë fusha të rëndësishme të mjekësisë: Kardiologjinë, Endokrinologjinë, Nefrologjinë, Pulmologjinë, Toksikologjinë, Reumatologjinë dhe Hematologjinë.

Kalimi me sukses i provimit shënon një etapë të rëndësishme në rrugëtimin e tij profesional, duke kurorëzuar vite të tëra studimi, pune dhe përkushtimi në shërbim të shëndetit të pacientëve.
Ky është një lajm i mirë dhe një vlerë e shtuar për qytetin e Kërçovës, por edhe për Poliklinikën „Ultramed”, ku qytetarëve do t’u ofrohen shërbime shëndetësore nga një kuadër i ri specialistik, me përvojë dhe përgatitje profesionale.

Urime Dr. Arber Muratit për titullin e specialistit të Mjekësisë Interne! I dëshirojmë suksese të mëtejshme dhe shumë arritje në karrierën profesionale, në shërbim të qytetarëve dhe shëndetit të tyre!

/ts