Kërçovari arrestohet në Dibër !

Një 38-vjeçar nga Kërçova dhe tre persona të tjerë u arrestuan të hënën, më 9 nëntor 2026, rreth orës 11:20, në rrugën rajonale Bllatë–Dibër. Sipas njoftimit të policisë, gjatë kontrollit të automjetit me të cilin udhëtonin, policët gjetën dhe konfiskuan marihuanë dhe sende me mbetje të kësaj lënde.

Të arrestuarit janë Sh.S. (38) nga Kërçova, Z.A. (29) nga Shkupi, si dhe L.E. (23) dhe P.S. (20), të dy nga Shqipëria. Ata udhëtonin me një automjet «Seat Leon» me targa të Shkupit.

Policia konstatoi gjithashtu se Sh.S., i cili drejtonte automjetin, kishte një ndalim në fuqi për drejtimin e automjeteve. Sipas njoftimit, pas dokumentimit të plotë të rastit, ndaj katër personave do të paraqitet kallëzimi përkatës.

/mpb