Xhamia Kërçova në Füllinsdorf fton kërçovarët në bashkëbisedim të hapur

Kryesia e Xhamisë Kërçova në Füllinsdorf, pas rizgjedhjes së saj, organizon një takim të hapur me kërçovarët për të diskutuar rreth së ardhmes së xhamisë.

Sipas njoftimit, takimi do të mbahet të shtunën, më 14 nëntor 2026, pas namazit të jacisë, i cili falet në orën 20:00.

Ftesa u drejtohet të gjithë kërçovarëve, anëtarë dhe joanëtarë. Pjesëmarrësit do të kenë mundësinë të shprehin mendimet e tyre, të japin ide dhe të paraqesin propozime për të ardhmen e xhamisë.

Organizatorët synojnë që ky bashkëbisedim të shërbejë si një mundësi për të dëgjuar njëri-tjetrin dhe për të ndarë mendime së bashku.

/ms