Tetë shoferë të arrestuar! Njëri nga Kërçova

Tetë shoferë janë privuar nga liria gjatë 24 orëve të fundit në lokacione të ndryshme në vend, nën dyshimin për kryerjen e veprës penale “drejtim i pakujdesshëm i automjetit”, sipas nenit 297-a të Kodit Penal. Mes tyre është edhe një 34-vjeçar nga Kërçova.

Gjashtë prej të ndaluarve dyshohet se kanë drejtuar automjete pa e dhënë provimin e vozitjes. Bëhet fjalë për B.R. (36) nga fshati Sllatinë i Tetovës, Z.S. (34) nga Kërçova, D.T. (40) nga fshati Miravc i Gjevgjelisë, si dhe E.B. (24) dhe dy 17-vjeçarë nga Shkupi.

Ndërkohë, me një 14-vjeçar nga Velesi është zhvilluar bisedë zyrtare në prani të prindit, pasi kishte drejtuar motoçikletë pa leje drejtimi.

Dy shoferët e tjerë të arrestuar, V.K. (44) nga Shkupi dhe N.S. (26) nga Ohri, dyshohet se kanë drejtuar automjete pavarësisht se kishin ndalim aktiv për drejtimin e automjetit motorik.
Pas dokumentimit të plotë të rasteve, do të paraqiten kallëzimet përkatëse penale.

/mpb