Fatmir Limani: Zgjedhjet e parakohshme janë nevojë shtetërore, jo ambicie partiake
Fatmir Limani ka reaguar përmes një postimi publik lidhur me situatën aktuale politike në vend, duke vlerësuar se zgjedhjet e parakohshme duhet të shihen si një mundësi për të dalë nga ngërçi institucional dhe ekonomik.
Sipas Limanit, shteti nuk duhet të mbahet peng i kalkulimeve partiake, ndërsa qytetarët po përballen me vështirësi ekonomike dhe mungesë perspektive.
Ai thekson se, përpara ose pas zgjedhjeve, nevojitet një marrëveshje e qëndrueshme politike për funksionalitetin institucional, ndryshimet ligjore me shumicë të dyfishtë, zhbllokimin e integrimit evropian dhe rimëkëmbjen ekonomike.
Limani gjithashtu u bën thirrje subjekteve politike shqiptare që të dëshmojnë pjekuri dhe përgjegjësi politike, duke qenë faktor i zgjidhjeve dhe jo i bllokadave.
Ai thekson se zgjedhjet nuk duhet të jenë qëllim në vetvete, por një mundësi për të arritur marrëveshje politike dhe për ta nxjerrë vendin nga kriza institucionale dhe ekonomike.
Në fund të reagimit, Limani nënvizon se vendi ka nevojë për vendime konkrete dhe rezultate, e jo për premtime të reja politike.
“Koha e humbur politikisht po kthehet në kosto ekonomike, ndërsa çmimin e saj nuk e paguajnë partitë, por qytetarët”, përfundon Limani.
/tvgurra
