Ndahet nga jeta Shukri Fetoja. Ngushllime familjes

Familjarë, miq e shokë, sot përcjellim për udhëtinin e fundit dhe të përjetshëm njeriun, të cilit me plot përgjegjësi do t’i qëndronin si epitaf fjalët e të madhit Azem Shkreli, nga poezia Vdekja e malësorit, ku thotë : Asnjë kokë përkulur, se ja shembni lisat

Asnjë lot në sy, se ja shterroni krojet…
Dhe jeta e këtij burri zë fill dhe kalitet në një mjedis, ku familjariteti, burrëria, bujaria e atdhetarizmi ishin dhe janë moto e jetës së tyre.

Ndaj këtu nuk ka gjë të veçantë, ky vetëm barti flamurin e këtyre vlerave, me aq përkushtim, duke mbjellë e jetësuar në familje e më gjërë këta vlera njerëzore e kombëtare.

I tillë qe në familje, në shoqëri e më gjërë, ku me dashuri kultivoi vlerat e së shkuarës, duke u bërë ballë sfidave të jetës e duke shënjestruar dukuritë negative.

Njeri që shikonte edhe përtej malit, vizion që trasonte rrugën e drejtë, për një ardhmëri më të mirë, për të gjithë.
Drita që la pas, duke shkuar në amëshim e bën të përjetshëm këtë njeri.

Qoft i përjetshëm kujtimi për familjarin dhe mikun tonë Shukri Fetoja ! Gjithashtu i ngjeri ishte prind i aktivistit te dalluar Kërçovar Fikret Fetës ose ndryshi i njohur si Ficho Basha.

Shkruar nga prof. Nazim Selimi /ms