Premtimi i rradhës për spital të ri – Kërçova pret prej 40 vitesh !

Për të katërtën herë rikthehet premtimi për ndërtimin e një spitali të ri në Kërçovë, ndërsa qytetarët vazhdojnë të presin prej rreth katër dekadash realizimin e këtij projekti.

Gjatë vizitës së zëvendësministrit të Shëndetësisë, Jovica Andovski, së bashku me përfaqësues të Komunës së Kërçovës, Spitalit të Kërçovës dhe Bankës Botërore, u prezantua plani për ndërtimin e objektit të ri spitalor. Investimi i paraparë arrin në rreth 1.38 miliardë denarë (22.5 milionë euro).

Sipas autoriteteve, spitali i ri do të ofrojë hapësira moderne për diagnostikim, trajtim spitalor dhe kujdes urgjent, me pajisje bashkëkohore dhe efikasitet energjetik. Ai pritet t’u shërbejë jo vetëm banorëve të Kërçovës, por edhe zonave përreth.

Megjithatë, për shumë qytetarë ky mbetet një tjetër premtim i përsëritur, pasi projekti është paralajmëruar disa herë gjatë 40 viteve të fundit, ndërsa kushtet në spitalin ekzistues vazhdojnë të jenë larg standardeve të nevojshme.

/tvgurra