Këshilli Komunal miraton subvencionimin e NP “Kërçova Projekt” me 12 vota pro !

Këshilli Komunal miratoi me 12 vota pro vendimin për subvencionimin e Ndërmarrjes Publike “Kërçova Projekt” me mbi 2 milionë denarë nga buxheti komunal.
Gjatë debatit, këshilltari i pavarur Kujtim Kasami deklaroi se e kundërshtoi këtë vendim, duke vlerësuar se kjo ndërmarrje paraqet një barrë shtesë për buxhetin e komunës dhe, rrjedhimisht, për xhepin e qytetarëve të Kërçovës.

Kasami theksoi se do të kishte qenë më e arsyeshme që, në vend të themelimit të një ndërmarrjeje të re publike, të punësoheshin disa persona brenda administratës komunale. Sipas tij, krijimi i një subjekti të ri juridik do të vazhdojë të rëndojë financiarisht buxhetin komunal.

Pavarësisht kundërshtimeve të paraqitura gjatë debatit, shumica e këshilltarëve komunalë votuan pro, duke e miratuar vendimin për subvencionimin e NP “Kërçova Projekt”.

/tvgurra