Shkarkohet Bardhyl Ipçja ! Reagon BDI Dega Kërçovë

Sot, nga detyra e udhëheqësit të Zyrës Rajonale të Librave Amë në Kërçovë u shkarkua Bardhyl Ipcja, një nëpunës civil me mbi 20 vjet përvojë pune, të cilin kërçovarët e njohin si një udhëheqës profesionist dhe një nëpunës civil të dalluar, i cili gjithmonë ka qenë në shërbim të qytetarëve.

Për shkarkimin e tij nuk rezulton të ketë pasur asnjë arsye profesionale, gjë që ngre dyshime serioze për hakmarrje politike, përkatësisht se e vetmja arsye janë bindjet e tij politike, të cilat nuk përputhen me qëndrimet e përfaqësuesve shqiptarë në pushtet.

Rast pas rasti po vërtetohet se për përfaqësuesit e VLEN-it, kushdo që qëndron vertikal, ruan dinjitetin dhe e kryen punën me profesionalizëm, bëhet i papranueshëm. Ata nuk duan shqiptarë që mendojnë dhe veprojnë në mënyrë të pavarur, por vetëm shqiptarë të nënshtruar, ashtu siç janë edhe vetë! Shkruajn nga BDI Dega Kërçovë në facebook.

/ms