Njoftim për opinionin publik nga komuna e Kërçovës

Komuna e Kërçovës, në interes të mbrojtjes së mjedisit jetësor dhe shëndetit të qytetarëve, siguron 10 milionë denarë shtesë mbështetje financiare për NPK „Komunalec“ – Kërçovë, mjete të dedikuara për intensifikimin e aktiviteteve për pastrimin, grumbullimin dhe largimin e mbeturinave nga deponia e egër, e cila prej vitesh paraqet një problem serioz ekologjik dhe ndikon drejtpërdrejt në cilësinë e jetës së qytetarëve tanë.

NPK „Komunalec“ – Kërçovë ka lidhur kontratë, në përputhje me procedurën e realizuar të prokurimit publik, me kompaninë private „Zimak“ nga Manastiri, përmes së cilës mbeturinat e grumbulluara transportohen dhe deponohen ekskluzivisht në Deponinë Rajonale „Rusino“.

Komuna e Kërçovës dhe NPK „Komunalec“ veprojnë në përputhje me procedurat e përcaktuara dhe me një qëllim të vetëm – zgjidhjen e përhershme të problemit me deponimin e egër dhe sigurimin e një mjedisi më të pastër dhe më të shëndetshëm për të gjithë qytetarët.

Në këtë drejtim, apelojmë deri te opinioni publik që të mos përhapen dhe të mos shpërndahen informacione të pakonfirmuara dhe dezinformata se mbeturinat po deponohen në lokacione të tjera. Pretendimet e tilla krijojnë shqetësim të panevojshëm te qytetarët dhe cenojnë besimin në aktivitetet që po ndërmerren për zgjidhjen e këtij problemi shumëvjeçar.

Komuna e Kërçovës, e udhëhequr nga kryetari Dr. Aleksandar Jovanovski, do të vazhdojë të sigurojë mbështetje dhe të ndërmarrë masa konkrete për një Kërçovë më të pastër dhe një mjedis jetësor më të shëndetshëm. Kërçova e pastër është përgjegjësi dhe interes i përbashkët i të gjithëve ne.

/ms