Prof.dr Ilmi Veliu është një Hero i gjallë !

Është bërë praktikë që njerëzit pasi të vdesin i lëvdojnë e kur janë gjallë nuk na shkon mendja se i kemi heroj të gjallë; një nga ato padyshim se është edhe: Prof. dr.  Ilmi Veliu  eshtë një “hero i gjallë”; njeri polivalent (me shumë vlera), të cilit jeta nuk i ka qenë e lehtë, por e përballoj stoikisht dhe me nder. Si i ri mbet pa prind dhe duheshte të shkollohet dhe njëkohsisht të mbaj edhe familjen duke shitur “skripta” të lëndëve të cilët i ndiqte dhe njëkohsisht merrte shënime e i shëndrronte “skripta” për studentët (këtë ma ka treguar vëllau i tij).

Si veprimtarë i ç’ështjes kombëtare e provoi edhe burgun, por etja për komb nuk e ndali kështu që vazhdoi trendet demokratike: me formimin e partive politike, shoqatave humanitare, pajtimin e gjaqeve, shkollimin shqip ku si drejtor i shkollës së mesme shqipe “DRITA” e kreu me shumë sukses misionin e tij.

Pas një kohe e takoj në qytet dhe njëri i uron punësimin te QAM “Mirko Mileski” dhe unë e pyes se a është për urime sepse ai materialisht qëndronte shumë mirë, kishte dy grupa të ndërtimit dhe puna i shkonte mirë. Ai mu përgjigj: duhet të më urojsh se unë atje nuk punësohem për mjete materiale, por kam “nevojë” të shoqërohem me intektualë si Qamil Fejza dhe kolegë të tjerë dhe të ushtroj profesionin tim si profesor. Ajo “etje” e tij e çoji që veç ushtrimit të detyrës si profesor të vazhfojë në studime post diplomike ku me sukses i fitoj titujt magjistër e pastaj doktor i shkencave historike.
Ilmi Veliu është autorë i shumë librave historik si në nivel kombëtar ashtu edhe për historinë e Kërçovës për të cilën si njohës më i mirë i kësaj lëmie ka dhëmë kontribut të çmuar.

Ka qene i afërt me profesorin e tij Hasan Kaleshi dhe bashkë me prof dr Feti Mehdiu dhe prof dr Kujtim Kasamin janë vazhdues të denjtë të ideve dhe qëllimeve të tij.
Veprimtaria e prof. dr. Ilmi Veliut është e gjërë dhe e shumëllojshme si në shkencë, kulturë, politikë, fe, humanitet, arsim, veprimtari kombëtare etj. të cilën unë me “dioptrinë” time jam i vetëdishëm se nuk mund t’i përfshi të gjitha, por mjafton që t’i shprehi respektin tim duke i dëshiruar shëndet dhe jetë të gjatë pranë familjes.

Shkruan: Ramazan Bajrami – votra.info