Kërçova është nikoqire e “Panairit Diellor 2026”!

Komuna e Kërçovës fton të gjithë qytetarët të bëhen pjesë e “Panairit Diellor Kërçovë”, i cili do të mbahet më 8 gusht (e shtunë), nga ora 10:00 deri në 13:00, në Sheshin e Qytetit në Kërçovë.

Në panair do të keni mundësinë:
Të mësoni më shumë për përfitimet e përdorimit të energjisë diellore;
Të informoheni për instalimin e sistemeve fotovoltaike në amvisëri;
Të njiheni me mundësitë që ofron tranzicioni energjetik dhe koncepti i prosumatorit;
Të bisedoni drejtpërdrejt me kompani dhe organizata që ofrojnë zgjidhje moderne në fushën e energjisë diellore;

Të merrni pjesë në demonstrime interaktive dhe punëtori edukative, të dedikuara edhe për vizitorët më të vegjël.
Ftojmë të gjithë qytetarët, kompanitë dhe mediat e interesuara të vizitojnë këtë ngjarje dhe të informohen për zgjidhjet bashkëkohore që kontribuojnë në një mjedis më të pastër, pavarësi më të madhe energjetike dhe zhvillim të qëndrueshëm.

08 gusht 2026 (e shtunë)
10:00 – 13:00
Sheshi i Qytetit – Kërçovë

/ms