Detaje nga aksidentin pranë Kërçovës: Dy persona të lënduar rëndë, dy të tjerë me lëndime më të lehta!

Katër persona janë lënduar në aksidentin e rëndë të trafikut që ndodhi mëngjesin e sotëm në rrugën magjistrale Kërçovë–Ohër, pranë fshatit Drugovë të Kërçovës. Nga MPB Ohër njoftojnë se aksidenti ka ndodhur në ora 09:15 dhe në të janë përfshirë dy automjete të udhëtarëve.

Sipas informacioneve të para, dy persona kanë pësuar lëndime të rënda trupore, ndërsa dy të tjerë kanë marrë lëndime më të lehta.
Të lënduarit janë transportuar në Spitalin e Specializuar “Shën Erazmo” në Ohër, ku po marrin trajtim të mëtejshëm.

Hetimet në vendin e aksidentit janë ende në zhvillim, ndërsa pas përfundimit të ekspertizës priten më shumë informacione për shkaqet dhe rrethanat që çuan deri te përplasja e automjeteve.

/ms