Aksident tjetër në afërsi të fshatit Drugovë të Kërçovës !

Pak më parë ka ndodhur një aksident i rëndë trafiku në afërsi të fshatit Drugovë të Kërçovës, në magjistralen Kërçovë–Ohër.
Nga informacionet që kemi deri më tani, në vendngjarje kanë ndërhyrë të gjitha automjetet e disponueshme të Qendrës Mjekësore, SPB Kërçovë (Policia) dhe Njësisë Territoriale të Zjarrfikësve të Kërçovës, gjë që tregon për seriozitetin e aksidentit.

Aktualisht, qarkullimi zhvillohet me vështirësi vetëm në një korsi, ndërsa është krijuar një kolonë e gjatë automjetesh. Policia e Kërçovës po kryen këqyrjen e vendit të ngjarjes, ndërsa për momentin nuk ka informacione shtesë për gjendjen shëndetësore të personave të përfshirë në aksident.

Ky është aksidenti i dytë në të njëjtën segment rrugor gjatë kësaj jave. Apelojmë për kujdes maksimal në komunikacion!

/porta.mk