Zvicër: Kosovarit iu refuzua shtetësia në Aargau, por fiton në gjykatë

Një kosovar nga kantoni Aargau, i lindur dhe i rritur në Zvicër, fitoi të drejtën e shtetësisë pasi Gjykata Administrative e Aargaut rrëzoi refuzimin e komunës për natyralizim. Edhe pse kishte kaluar testin kantonal, komuna e kishte refuzuar me arsyetimin se nuk njihte mjaftueshëm jetën lokale.

Gjykata e cilësoi procedurën arbitrare, kritikoi pyetje të palejueshme dhe theksoi se për personat e rritur në Zvicër duhet të supozohet njohja me kushtet e jetesës. Vendimi e detyron komunën t’i japë shtetësinë dhe ushtron presion mbi autoritetet që të shmangin refuzimet arbitrare.

Edhe pse nuk krijon precedent, vendimi ka efekt sinjalizues dhe mund të çojë në ndryshime në praktikat dhe manualin e natyralizimit në Aargau.

/ts