Hakerët sulmojnë frigoriferët e supermarketeve – hidhen tonelata të ushqimeve në mbeturina në Gjermani !

Hakerët kanë kryer një seri sulmesh kibernetike në disa supermarkete në Gjermani, duke shkaktuar dëme të mëdha. Si pasojë janë hedhru në mbeturina me sasi shumë të mëdha të ushqimeve.

Hakerët kanë sulmuar sistemet e kontrollit të frigoriferëve dhe kanë programuar ato që gjatë natës të kalojnë nga ftohja në ngrohje. Kështu që shumë ushqime janë prishur.

Raste të sulmeve janë regjistruar në landin NRW, Niedersachsen dhe Bavari, ku janë prekur filiale të rrjeteve CAP, Rewe dhe Edeka. Si pasojë e manipulimit të temperaturave, produktet e freskëta dhe të ngrira janë prishur dhe janë detyruar të hidhen.

Raste të ngjashme janë raportuar ditët e fundit edhe në Belgjikë, Suedi, Irlandë, Luksemburg, Estoni, Finlandë dhe Holandë. Vetëm tre javë më parë, qindra filiale të zinxhirëve francezë Intermarché dhe Coopérative U janë goditur nga sulme të ngjashme.

/ts