Serbia kthen aeroplanin e nisur për në Moskë, në bord ishin tre zyrtarë shtetëror !

Aeroplani që u nis sonte nga aeroporti “Nikola Tesla” për në Moskë u kthye në Beograd, dhe sipas informacioneve jozyrtare të portalit Nova.rs, në bord ishin kryetari i Lëvizjes Socialiste Aleksandar Vulin, drejtori i Srbijagas Dušan Bajatović dhe kryetari i Partisë Popullore Serbe (SNP) Nenad Popović.

Sipas të dhënave nga faqja e internetit Flight Radar, aeroplani u ul në Beograd pak para orës 22:00. Siç mëson Nova.rs, aeroplani me numër fluturimi JU134 u nis në orën 18:48 dhe arriti në qytetin në jug të Lituanisë kur u dha urdhri për t’u kthyer në Beograd, gjoja për arsye sigurie.

Sipas burimit të Nova.rs, urdhri u dha nga drejtori i sigurisë korporative të aeroportit. Sipas të njëjtave informacione, në aeroplan kishte tre zyrtarë.

/Alsat.mk