Alternativa – Kërçovë me urim për dy drejtorat

Urime të përzemërta Shukri Sadiku për përzgjedhjen në detyrën drejtor i Shkollës Fillore “Milto Gurra”, në vazhdën e ndryshimeve pozitive që po realizon Koalicioni VLEN në sektorin e arsimit.

Ky emërim, si kuadër profesional jashtë strukturave partiake i përzgjedhur nga Alternativa – Kërçovë, përfaqëson një tjetër hap drejt fuqizimit të institucioneve arsimore me njerëz të përgjegjshëm dhe të përkushtuar ndaj misionit edukativ. Gjithashtu është një vlerësim i merituar për seriozitetin dhe kontributin e tij të vazhdueshëm në shoqëri, veçanërisht përmes angazhimit në sektorin civil.

Me përvojën, korrektësinë dhe reputacionin që ka ndërtuar ndër vite, do të vazhdojë të reflektojë pozitivisht në udhëheqjen e shkollës dhe në krijimin e një mjedisi arsimor të shëndetshëm për nxënësit dhe mësimdhënësit.

VLEN me përzgjedhjen e Shukri Sadikut dhe më herët me emërimin e drejtorit të gjimnazit, prof. Lulzim Sadiku, po dëshmon se investimi në kuadro cilësorë është themel i reformave reale dhe të qëndrueshme.

Ju urojmë shumë sukses në këtë përgjegjësi të re, me besimin se do ta ushtroni detyrën mbi parime profesionale, gjithëpërfshirëse dhe në shërbim të arsimit dhe komunitetit.

/ms