Pazari i fshehtë i Vladimir Putinit ! Ukraina në këmbim të Venezuelës

re vite para pushtimit të Ukrainës, Fiona Hill paralajmëroi Kongresin amerikan se Rusia po kërkonte një pazar të heshtur: dorë të lirë në Ukrainë, në këmbim të tërheqjes nga Venezuela. Sipas saj, Moska e shihte Ukrainën si “oborrin e vet”, në analogji me Doktrinën Monroe të SHBA-së.

Operacioni i fundit amerikan për kapjen e Nicolás Madurós e ka rikthyer këtë ide. Sulmi u krye me lehtësi të madhe, pa rezistencë serioze nga mbrojtja ajrore ruse, duke ngritur dyshime se ndërhyrja në Venezuelë shërben si sinjal për Rusinë në kontekstin e luftës në Ukrainë.

Zyrtarë dhe analistë rusë kanë pranuar në mënyrë indirekte logjikën e “sferave të ndikimit”, ndërsa administrata Trump po e institucionalizon këtë qasje përmes të ashtuquajturës “Doktrina Donroe”, që synon ta mbajë Hemisferën Perëndimore të mbyllur për rivalët strategjikë.

Megjithëse operacioni shihet si goditje ndaj Rusisë dhe dobësim i garancive të saj të sigurisë, analistët paralajmërojnë se mesazhi real është i rrezikshëm: secila fuqi e madhe kujdeset për “oborrin” e vet. Kjo e vendos Ukrainën në një pozitë të vështirë morale dhe strategjike, pasi mbështetja ndaj veprimeve të njëanshme minon vetë rendin ndërkombëtar që ajo kërkon të mbrojë.

Sipas ekspertëve, SHBA po fiton avantazhe afatshkurtra, por me një kosto afatgjatë për besueshmërinë globale dhe për vlerën reale të garancive të sigurisë që ofron.

/zhurnal