Reagim për mungesën e ujit nga banorët e fshatit Cërvicë !

Që nga orët e hershme të mëngjesit të sotëm, fshati Cërvicë po përballet me mungesë të plotë të ujit të pijshëm. Duke pasur parasysh se në këtë periudhë në fshat kanë ardhur një numër i madh i bashkatdhetarëve tanë për pushime, kjo situatë po shkakton vështirësi të mëdha për banorët dhe mysafirët.

U bëjmë thirrje ndërmarrjes Komunalec që sa më shpejt të ndërmarrë masat e nevojshme për zgjidhjen e këtij problemi dhe të informojë qytetarët për arsyen e ndërprerjes së furnizimit me ujë, si dhe për kohën e pritshme të rikthimit të tij.

Furnizimi i rregullt me ujë është një nevojë themelore dhe kërkon reagim të menjëhershëm nga institucionet përgjegjëse.

/tvgurra