Zjarr shpërtheu në fshatin Dolencë të Kërçovës !

Gjatë ditës ka shpërthyer një zjarr në fshatin Dolencë, ndërsa në terren janë dërguar menjëherë shërbimet kompetente për t’u përballur me flakët. Në ndërhyrjen e shpejtë dhe të suksesshme morën pjesë ekipet e Njësisë Territoriale të Zjarrfikësve të Kërçovës (TPPE Kërçovë), si dhe pjesëtarë të MPB Kërçovë, të cilët ndërmorën masat e nevojshme për vënien e zjarrit nën kontroll.

Duhet të veçohen edhe banorët e fshatit Dolencë, të cilët me të gjitha mjetet që kishin në dispozicion u angazhuan që flakët të mos përhapeshin në drejtim të Manastirit të Shën Mërisë.

Ndihmë shtesë në terren mbërriti edhe nga NPK „Komunalec“, makineria e së cilës u përfshi në ndërhyrje dhe në mbështetjen logjistike.

Për shkak të situatës së krijuar, në redaksinë tonë ka mbërritur informacioni se disa pjesë të rrjetit elektrik që kalon nëpër këtë zonë kanë mbetur pa energji elektrike, përfshirë Dobrenoecin, Jaorecin dhe zona të tjera.

/porta.mk