Zjarr në një shtëpi të pabanuar në fshatin Garanë të Kërçovës !

Kërçovë, 14 gusht 2026 – Dje, në SPB Kërçovë është raportuar se rreth orës 11:55 ka shpërthyer zjarr në një shtëpi të ndodhur në fshatin Garanë të Kërçovës.

Sipas buletinit policor të SPB Ohër, objekti është në pronësi të Sh.D. (70) nga fshati Garanë, ndërsa në momentin e shpërthimit të zjarrit në shtëpi nuk banonte askush.

Fatmirësisht, nga incidenti nuk ka persona të lënduar.
Zjarri është lokalizuar dhe shuar shpejt nga ekipi i Njësisë Territoriale të Zjarrfikësve të Kërçovës, ndërsa më pas në vendin e ngjarjes është kryer këqyrje nga policia.

/ms