Dr. Afrim Shabani nga Kërçova është përzgjedhur të prezantojë punimin e tij shkencor në Ohio të Amerikës

Dr. Afrim Shabani, me origjinë nga Kërçova, themelues i Shabani School of Music në Illinois dhe Distinguished (Adj.) Profesor i Muzikës në Heartland Community College, është përzgjedhur të prezantojë punimin e tij shkencor në MTNA GP3 Forum 2026, që do të mbahet në University of Cincinnati College-Conservatory of Music.

MTNA GP3 Forum konsiderohet një nga forumet më prestigjioze në Shtetet e Bashkuara në fushën e pedagogjisë së pianos, ku mblidhen studiues dhe pedagogë universitarë për të prezantuar kërkimet dhe risitë më të fundit në edukimin muzikor.

Përzgjedhja e Dr. Shabanit përbën një vlerësim të rëndësishëm të punës së tij shkencore dhe një përfaqësim dinjitoz të Kërçovës dhe shqiptarëve në një nga ngjarjet më të rëndësishme profesionale të pedagogjisë së pianos.

/ms