Tmerr! 12 orë pritje në kufirin Kroaci – Mali i Zi: Mërgimtarët mbesin pa ushqim dhe pije?

Sezoni i verës dhe ardhja e bashkatdhetarëve në rajon janë shoqëruar sërish me skena të rënda bllokadash dhe kolonash kilometrike me pritje disaorëshe në pikat kufitare të Bashkimit Evropian.

Mërgimtarët që po udhëtojnë që po kthehen në vendlindje po përballen me pritje drastike që po arrijnë deri në 12 orë në pikat kufitare mes Kroacisë dhe Malit të Zi. Kjo ka ndodhur në pikën kufitare midis këtyre vendeve ku janë regjistruar pritje të gjata, ndërsa bashkëatdhetarët janë ankuar se kanë ngelur pa ushqime dhe pa ujë, raporton Indeksonline.

Sipas dëshmive të vetë udhëtarëve të nisur drejt diasporës apo rajonit, kolonat e gjata dhe menaxhimi i ngadaltë i kontrolleve nga ana e autoriteteve kroate kanë krijuar një situatë të papërballueshme. Shumë familje me fëmijë të vegjël dhe autobusë të mbushur me udhëtarë kanë mbetur të bllokuar në temperatura të larta, pa mundësi furnizimi me ushqim dhe pije.

Pritjet e gjata në pikat kufitare të Kroacisë – e cila tashmë është pjesë e zonës Schengen – kanë qenë në qendër të ankesave edhe më parë.
Autoritetet dhe zyrtarët përgjegjës shpesh e arsyetojnë këtë situatë me fluksin e jashtëzakonshëm të muajve të verës dhe detyrimin ligjor për të zbatuar kontrolle rigoroze kufitare prej se Kroacia u bë pjesë e Zonës Schengen.

Megjithatë, bashkatdhetarët theksojnë se mungesa e një organizimi emergjent, e korridoreve të shpejta apo e masave lehtësuese për qytetarët përgjatë muajve të pikut turistik po e shndërron udhëtimin e tyre në një torturë të vërtetë.

Përballë kësaj gjendjeje të rënduar, zërat nga kolonat kufitare po bëjnë thirrje urgjente. Mërgimtarët kërkojnë nga ambasadat dhe ministritë e Jashtme të Kosovës dhe të Maqedonisë së Veriut që të ngrenë zërin dhe të ndërhyjnë zyrtarisht pranë autoriteteve kroate.

Kërkesa kryesore e tyre është krijimi i lehtesira kalimi, rritja e numrit të stafit në dogana gjatë fundjavave dhe periudhave të fluksit të lartë, si dhe sigurimi i ndihmës së menjëhershme humanitare për qytetarët që po mbesin të bllokuar për gjysmë dite në mes të kufijve.

/(INA)