Irene Papas dhe Bekim Fehmiu: Flasim gjuhën e nënës

Në 1968, teksa xhirohet filmi “Odisea”, Irene Papas (Penelopa) dhe Bekim Fehmiu (Odisea), luajnë rolet kryesore. Në kohë pauze, disa gazetarë i kishin parë sesi të dy, komunikonin në një gjuhë krejtësisht të huaj për ata. Të pushtuar nga kureshtja, njëri prej tyre i pyet:
– Më falni, por cila është gjuha që po flisni?

Irene Papas (Irini Leleku) prek Bekim Fehmiun, që ta linte të përgjigjej:
– Është gjuha e nënës.
– Gjuha e nënës? Po cila mund të jetë ajo gjuhë e nënës, kur ju jeni greke dhe Bekim Fehmiu, jugosllav? – tha gazetari.
– Unë jam shqiptare nga Greqia, kurse Bekimi shqiptar nga Jugosllavia, por më e rëndësishmja është se ka qenë vullneti i vetë Zotit që ne të dy t’i luajmë këto dy role, sepse dikur edhe vetë Penelopa dhe Odisea, kanë folur po të njëjtën gjuhë, që e flasim unë dhe Bekimi sot”.

– Por historia thotë se ata ishin grekë, – ia ktheu gazetari i habitur!
– Po mirë pra, edhe ti tani po më konsideron si greke edhe pse origjina ime, nuk është aspak greke, – i ishte përgjigjur Irena.
(“Rai Uno”, 1974)

/votra.info