Biden nga Çikago: Unë i dhashë zemrën e shpirtin këtij kombi

Demokratët hapën kongresin e tyre në Çikago të hënën.
Partia Demokratike u mblodh mbrëmjen e së hënës për të dëgjuar fjalën përshëndetëse të Presidentit Joe Biden. Biden tha se zgjedhja e Harris si zëvendëspresidente në vitin 2020 ishte “vendimi më i mirë që mora gjatë gjithë karrierës sime”.

“Si shumë prej jush, unë i dhashë zemrën dhe shpirtin tim këtij kombi,” tha ai, në fund të një fjalimi gati njëorësh të shoqëruar nga thirrjet e zhurmshme “Faleminderit, Joe”, transmeton gazeta online Reporteri.net.

Biden doli në skenë pasi u prezantua nga vajza e tij Ashley dhe gruaja e tij, Jill, e cila i tha audiencës se “e pa atë duke gërmuar thellë në shpirtin e tij” kur ai vendosi të largohej nga gara presidenciale. Pasi përqafoi Ashleyn, Biden nuk mbajti dot lotët, raporton BBC.

“Ajo do të jetë një presidente tek i cili fëmijët tanë mund të shikojnë. Ajo do të jetë një presidente e respektuar nga liderët botërorë, sepse ajo tashmë është. Ajo do jetë një presidente me të cilën të gjithë mund të krenohemi. Dhe ajo do të ishte një presidente historike që vendos vulën e saj në të ardhmen e Amerikës”, tha Biden për Kamala Harrisin, në fjalimin e tij.

Kalimi i pishtarit prej tij demonstroi ndryshimin për demokratët. Partia, e cila u nda thellë muajin e kaluar pasi presioni u rrit mbi Biden për të dalë nga gara, u bashkua të hënën mbrëma pas Harris – dhe kundër kundërshtarit të saj republikan, ish-presidentit Donald Trump.

Demokratët sulmuan kandidatin e GOP për të drejtat e abortit. Ata theksuan problemet ligjore të ish-presidentit dhe vunë në dyshim moralin e tij. Dhe ata argumentuan se besimet e tij politike do të përfitonin të pasurit, ndërsa Harris do t’u shërbente më mirë njerëzve që punojnë. Partia theksoi gjithashtu – në terma personalë dhe historikë – potencialin që Harris të bëhet gruaja e parë që fiton presidencën.

/Reporteri.net/