Zvicër me një makinë 7 vendëshe transportonte 23 persona..!

Zyrtarët e doganës në kufirin mes Gjermanisë dhe Zvicrës humbën numërimin kur pasagjerët e tyre filluan të zbrisnin nga një makinë me shtatë vende: gjithsej 23 persona, nga të cilët 9 ishin të rritur.

Në makinë, një Seat Alhambra, ata kishin arritur të futnin anëtarët e një “familjeje të madhe” që udhëtonte nga Polonia në Bernë, kryeqyteti i Zvicrës.

Automjeti u kontrollua të hënën në mëngjes, thanë autoritetet gjermane.
“Nga makina dolën njëzet e tre persona.Ishin 9 të rritur dhe 14 fëmijë”, tha policia.

Kontrolli u krye në stacionin kufitar Weil al-Rhine në Gjermaninë jugperëndimore.

Shoferi i makinës, i cili është banor i përhershëm i Zvicrës, do të gjobitet për transportimin e kaq shumë pasagjerëve “pa asnjë garanci për sigurinë e tyre”, shtoi policia gjermane.

Pas përfundimit të procedurave, familjes ju dha leja për të kaluar në Zvicër, por “jo të gjithë brenda Seat Alhambra”, sqaroi policia.

/oranews