Ali Ahmeti ngre flamurin kombëtar në Zajaz

Ali Ahmeti ngre flamurin kombëtar në Zajaz

Sot, në Kompleksin Memorial “Nëna Shqiptare” në Zajaz, në organizim të Degës së Bashkimit Demokratik për Integrim në Kërçovë, u zhvillua ceremonia solemne e shpërndarjes së flamujve kombëtarë për përfaqësuesit e bashkësive lokale.


Në këtë aktivitet, kryetari i BDI-së, Ali Ahmeti, u dorëzoi përfaqësuesve të secilës bashkësi lokale nga një flamur kombëtar, si simbol i identitetit, historisë dhe përkatësisë sonë kombëtare.

Ceremonia u përmbyll me ngritjen solemne të flamurit kombëtar në shtizën e Kompleksit Memorial “Nëna Shqiptare”, nga kryetari Ali Ahmeti, në praninë e pjesëmarrësve të shumtë.


Flamuri kuqezi mbetet simbol i historisë, sakrificës, krenarisë dhe unitetit të shqiptarëve, duke na kujtuar rrugëtimin dhe vlerat që na bashkojnë ndër breza.
**Një flamur, një komb, një histori që na bashkon!**
Gëzuar Festat e Nëntorit të gjithë shqiptarëve, kudo që jetojnë!

/tvgurra

 




>