Urime: Kërçovari Dr. Luan Elezi hap klinikën “Elezi Medical & Wellness” në Amerikë
Me pjesëmarrjen dhe mbështetjen e gjerë të komunitetit shqiptaro-amerikan, mbrëmë u shënua hapja solemne e klinikës private “Elezi Medical & Wellness”, një projekt i ri familjar i iniciuar nga mjeku i njohur Dr. Luan Elezi. Në ceremoninë e hapjes morën pjesë miq, bashkëpunëtorë dhe përfaqësues të komunitetit, të cilët uruan Dr. Luan Elezin, si dhe babanë e tij, Dr. Beqir Elezin, dhe vëllanë, Dr. Agron Elezin, për këtë nismë të re.
Klinika synon të sjellë një model bashkëkohor të shërbimeve shëndetësore, të njohur si “Concierge Medicine”, një qasje që vendos në qendër pacientin, kujdesin e personalizuar dhe komunikimin e drejtpërdrejtë me profesionistët shëndetësorë.
Dr. Luan Elezi e nisi përvojën e tij në këtë model shërbimesh në një prej institucioneve prestigjioze shëndetësore në SHBA, “Rush University” në Chicago. Pas një karriere të gjatë dhe të suksesshme në organizata të njohura shëndetësore, ai tashmë po nis një kapitull të ri profesional, duke investuar në krijimin e një biznesi familjar me synime ambicioze për të ardhmen.
Një tjetër element që i jep kësaj nisme karakter të veçantë është edhe përfshirja e gjeneratës së re të familjes Elezi.
Djali i madh i Dr. Luan Elezit, student i dalluar në fushën e shëndetësisë, është gjithashtu pjesë e këtij rrugëtimi familjar.
Mbështetja e madhe e komunitetit shqiptaro-amerikan në këtë hapje dëshmon besimin dhe vlerësimin për profesionalizmin, përkushtimin dhe iniciativat që kontribuojnë në zhvillimin e shërbimeve shëndetësore.
“Elezi Medical & Wellness” synon të shndërrohet në një adresë të rëndësishme të kujdesit shëndetësor të personalizuar, duke bashkuar përvojën profesionale, traditën familjare dhe vizionin për të ardhmen.
Urimet më të mira për Dr. Luan Elezin dhe familjen Elezi, me dëshirën që kjo nismë të jetë e suksesshme dhe që “Elezi Medical & Wellness” të jetë vetëm fillimi i një rrugëtimi me shumë arritje!
/tvgurra
>
