Xhamia Kërçova në Zvicër formon sektorin rinor, Lirim Shaqiri zgjidhet kryetar
Në një atmosferë vëllazërore dhe bashkëpunimi, sonte u bë formimi zyrtar i Sektorit Rinor pranë Xhamisë së Kërçovës, duke shënuar një hap të rëndësishëm drejt organizimit dhe përfshirjes më aktive të të rinjve në jetën fetare dhe komunitare.
Me vota unanime, në krye të Sektorit Rinor u zgjodh z. Lirim Shaqiri, të cilit iu besua përgjegjësia për të udhëhequr këtë strukturë të re rinore.
Formimi i këtij sektori synon të krijojë një organizim më të mirë të rinisë, të forcojë bashkëpunimin ndërmjet të rinjve dhe të nxisë angazhimin e tyre në shërbim të fesë, komunitetit dhe Xhamisë së Kërçovës.
Kryesia e Xhamisë së Kërçovës, e udhëhequr nga z. Enver Ibraimi, e përgëzoi Lirim Shaqirin për besimin e marrë, duke i uruar suksese dhe mbarësi në përgjegjësinë e re.
Ky organizim përfaqëson një mundësi të re për një rini më aktive, më të bashkuar dhe më të përkushtuar ndaj vlerave fetare dhe shoqërore.
Së bashku për një rini të organizuar, të angazhuar dhe me vizion për të ardhmen!
/tvgurra
>
