Zvicër: Ndërrimi i shiritit pa sinjalizim i kushton shoferit mbi 9 mijë franga !

Zvicër: Ndërrimi i shiritit pa sinjalizim i kushton shoferit mbi 9 mijë franga !

Një manovër e gabuar gjatë drejtimit të automjetit në autostradën A3, në drejtim të Cyrihut, i ka kushtuar shtrenjtë një shoferi 62-vjeçar në Zvicër. Ai kishte ndërruar shiritin e qarkullimit pa përdorur sinjalizuesit, duke detyruar një patrullë policore që po udhëtonte pas tij të frenonte ndjeshëm, përcjell albinfo.ch.


Ngjarja kishte ndodhur në afërsi të Wollerau, në kantonin Schwyz. Sipas raportimit, patrulla policore kishte vërejtur jo vetëm mungesën e sinjalizimit gjatë kalimit në shiritin e parakalimit, por edhe distancën e pamjaftueshme të sigurisë.

Si pasojë, 62-vjeçari është dënuar me një gjobë prej 9’100 frangash, ndërsa duhet të paguajë edhe 680 franga shpenzime procedurale.
Përveç këtyre pagesave, ndaj tij është shqiptuar edhe një dënim financiar me kusht prej 36’000 frangash, i cili nuk duhet të paguhet nëse ai i përmbush kushtet e përcaktuara gjatë periudhës së provës.


/Albinfo.ch

 




>