Zvicër, kërcënoi dy gra dhe plagosi një burrë, kosovari mbetet në burg !

Zvicër, kërcënoi dy gra dhe plagosi një burrë, kosovari mbetet në burg !

Gjykata Federale e Zvicrës ka refuzuar kërkesën për lirimin nga paraburgimi të një shtetasi të Kosovës, i cili dyshohet se ka plagosur rëndë me thikë një person pranë një stacioni hekurudhor në kantonin e Cyrihut.


Ngjarja kishte ndodhur më 27 shkurt 2026, pas një konflikti me dy gra. Një burrë që kishte ndërhyrë për të ndaluar përleshjen dyshohet se ishte goditur dy herë me thikë, duke pësuar plagë të rënda.

I dyshuari ndodhet në paraburgim që nga 2 marsi dhe pretendon se kishte vepruar në vetëmbrojtje.
Gjykata Federale ka vlerësuar se ekziston rrezik konkret i arratisjes, duke marrë parasysh dënimin e mundshëm shumëvjeçar me burg, dëbimin nga Zvicra dhe borxhet e tij prej mbi 100 mijë frangash.


Gjykata ka lënë në fuqi paraburgimin, ndërsa fajësia e të dyshuarit ende nuk është përcaktuar.

/ms

 




>