I nxehti i madh në Korenë Veriore, Kim Jong i sygjeron popullit supën me mish qeni!

Ndërsa Gadishulli Korean është goditur nga një valë e të nxehtit, media shtetërore e Koresë së Veriut po sugjeron gjithçka, nga supa me mish qeni deri te supa me pulë, si mënyra për t’u përballuar, duke e portretizuar Kim Jong un-in si një udhëheqës që po përballon kushte të vështira përkrah popullit të tij.

Televizioni shtetëror raportoi të enjten se temperatura kishte arritur në 36.7 gradë Celsius, temperatura më e lartë që kur filluan të mbaheshin të dhëna meteorologjike në vend.

Së bashku me një sërë netësh tropikale, media shtetërore i ka kushtuar vëmendje të pazakontë javëve më të nxehta të vitit, të njohura në vend si sambok ose ditët e qenve të verës. Ndër rekomandimet më mbresëlënëse është supa me mish qeni, e cila pasqyron një besim tradicional se i ndihmon njerëzit të durojnë vapën e verës.

Në një artikull shëndetësor të botuar më 2 gusht, gazeta e partisë në pushtet Rodong Sinmun citoi një mjek në Spitalin e Përgjithshëm të Phenianit i cili rekomandonte ushqime freskuese si shalqiri, kastravecat dhe fasulet mung, si dhe “ushqime ushqyese” duke përfshirë supën me mish qeni, qullin e peshkut dhe qullin e fasuleve të kuqe.

Gazeta i kushtoi një artikull të veçantë supës me mish qeni, duke e përshkruar atë si një pjatë tradicionale verore dhe duke ringjallur shprehjen e vjetër se “edhe nëse supa me mish qeni derdhet mbi këmbët tuaja gjatë ditëve të verës, ajo bëhet ilaç”.

/Indeksonline/