Situatë emergjente, rreth 49 mijë migrantë kanë kaluar nga Maroku drejt Spanjës (VIDEO)

Rajoni dhe Bota

Rreth 49 mijë migrantë kanë kaluar nga Maroku në enklavën spanjolle të Ceutës brenda 24 orëve të fundit, sipas vlerësimeve të autoriteteve, duke shkaktuar një situatë emergjente në kufirin mes dy vendeve.

Pamjet e publikuara nga mediat tregojnë mijëra persona duke notuar drejt brigjeve të Ceutës, ndërsa kalimet kanë vazhduar edhe gjatë natës. Sipas autoriteteve, të paktën 18 persona kanë humbur jetën në përpjekje për të arritur në territorin spanjoll.

Qeveria spanjolle mobilizoi të enjten në mbrëmje njësi ushtarake për të mbështetur Gardën Civile, e cila po përballet me një fluks të paprecedentë migrantësh.

Raportet paraprake tregojnë se viktimat u mbytën pranë valëpritësit kufitar jugor në Tarahal, që ndan Ceutën nga Maroku, gjatë kulmit të valës së emigrimit.
Autoritetet bëjnë të ditur se shumica e migrantëve kanë hyrë në Ceuta vetëm me rroba banje, pa ushqim dhe pa para në pamundësi për të blerë diçka.

Kryeministri i Spanjës, Pedro Sánchez, pritet të vizitojë sot Ceutën, i shoqëruar nga ministri i Brendshëm, Fernando Grande-Marlasca, për të vlerësuar situatën nga afër.

VIDEO:

Migrants flood into Spain's Ceuta exclave from Morocco.

Madrid says it will despatch soldiers to Ceuta to ensure security after thousands of migrants entered Spain's north African exclave from neighbouring Morocco and hundreds more are headed there pic.twitter.com/A9oaQ4OCu7

— AFP News Agency (@AFP) July 31, 2026