Çka po ndodh! Çdo ditë nga 6 divorce në Maqedoni ?

Shkurorëzimet në Maqedoninë e Veriut janë në rritje, ndërsa gjithnjë e më rrallë po martohen.
Gjatë vitit 2025 në Maqedoni janë regjistruar 2.185 shkurorëzime, që është një rritje prej 8% në krahasim me vitin paraprak. Sipas këtyre të dhënave i bie që gjatë vitit çdo ditë ndodhin nga 6 divorce apo ndarje të çifteve.

Pyetje tjetër është se në të njëjtën periudhë janë lidhur 10.507 martesa, përkatësisht 5,1 për qind më pak se në vitin 2024. Kjo do të thotë se në çdo 100 martesa të lidhura janë regjistruar pothuajse 21 shkurorëzime.

Statistika nuk i zbulon shkaqet, por kostot e larta të jetesës, pasiguria ekonomike, emigrimi dhe zakonet e ndryshuara të jetesës janë ndër sfidat kryesore për familjet bashkëkohore. Shifrat tregojnë një trend të qartë – shkurorëzimet po rriten, ndërsa bashkësitë e reja martesore po bëhen gjithnjë e më të rralla.

/ina