Fatmir Limani mbledh bashkëpunëtorët në Hotel Kërçova dhe ndan mirënjohje për kontributin e tyre

Në një takim të fundvitit, të mbajtur në Hotel Kërçova , Fatmir Limani ka mbledhur bashkëpunëtorët e tij, duke i falënderuar për angazhimin dhe përkushtimin e treguar gjatë një viti të vështirë dhe plot sfida, si në aspektin politik ashtu edhe në atë njerëzor.

Në fjalën e tij, Limani theksoi se viti që po mbyllet ka qenë i ngarkuar me beteja të rënda, të cilat, sipas tij, kanë shërbyer për të forcuar dhe për të bashkuar edhe më shumë strukturat rreth idealit të përbashkët.

Ai pranoi se gjatë këtij rrugëtimi ka pasur edhe momente ndarjeje dhe mospajtimesh, por nënvizoi se pikërisht këto përvoja kanë dëshmuar se forca e vërtetë qëndron te uniteti, reflektimi dhe gatishmëria për të falur e për t’u rikthyer më të fortë.

Duke parë përpara drejt vitit të ri, Limani bëri thirrje për ribashkim dhe rikthim të besimit, duke theksuar se koalicioni VLEN mbetet shtëpia e përbashkët e të gjithë atyre që besojnë në ndryshim, dinjitet dhe një të ardhme më të drejtë.

Në fund, ai falënderoi bashkëpunëtorët për sakrificën dhe besimin e treguar, duke theksuar se sfidat e kaluara janë dëshmi se vetëm përmes punës së përbashkët mund të arrihen objektivat e përbashkëta.

/tvgurra