Ndërtoi pa leje kallzim penal ndaj Kërçovares !

NJPB Kërçovë ka paraqitur kallëzim penal kundër E.A. (44) nga Kërçova, për shkak të dyshimeve të bazuara për kryerjen e veprës penale “ndërtim i paligjshëm”.

Sipas njoftimit policor, ajo, në cilësinë e investitores së një objekti në Kërçovë, dyshohet se ka kryer me vetëdije punime në kundërshtim me lejen e ndërtimit dhe projektin themelor të miratuar.

Në vend që t’i përmbahej numrit të paraparë të kateve, dyshohet se hapësirën e kulmit e ka shndërruar në hapësirë banimi.
Shkeljet janë konstatuar edhe nga inspektori i autorizuar i ndërtimit pranë Komunës së Kërçovës.

/mpb