Valbona Adili Emini hap dyert e zyrës së saj për qytetarët e Kërçovës

Deputetja në Kuvendin e Maqedonisë së Veriut, Valbona Adili Emini, njofton qytetarët e Kërçovës se të premten, më 6 nëntor 2026, duke filluar nga ora 11:00, do të jetë e pranishme në Zyrën e Deputetes së Zonës 5 në Kërçovë.

Gjatë këtij takimi, qytetarët do të kenë mundësi të paraqesin shqetësimet, kërkesat, idetë dhe propozimet e tyre, si dhe të diskutojnë drejtpërdrejt me deputeten për çështjet që i preokupojnë.

Takimi synon të krijojë një hapësirë komunikimi të drejtpërdrejtë mes përfaqësueses së qytetarëve dhe vetë qytetarëve, duke u dhënë mundësi këtyre të fundit që zëri dhe kërkesat e tyre të përcillen në institucionet përkatëse.

Deputetja fton të gjithë qytetarët e interesuar që të shfrytëzojnë këtë mundësi për të diskutuar çështjet që kanë rëndësi për ta dhe komunitetin.
Më afër qytetarëve, në shërbim të tyre!

/tvgurra