Spitali i Kërçovës, premtimi që përsëritet prej dekadash !
Për më shumë se tri dekada, Kërçova ka dëgjuar premtime për ndërtimin e një spitali të ri. Ministrat e Shëndetësisë kanë ardhur e janë larguar, ndërsa qytetarët ende presin që ky premtim të kalojë nga deklarata në realizim.
Edhe sot, gjatë vizitës në Kërçovë, ministri i Shëndetësisë paralajmëroi ndërtimin e një spitali të ri. Megjithatë, në deklaratën e sotme nuk u prezantua një projekt konkret, një afat i përcaktuar për fillimin e punimeve apo një plan i detajuar për financimin dhe realizimin e tij.
Në një kohë kur po flitet edhe për mundësinë e zgjedhjeve të parakohshme, lind pyetja: A është ky një hap konkret drejt realizimit të spitalit, apo një tjetër premtim që vjen në prag të një cikli të ri zgjedhor?
Pas më shumë se 30 vitesh pritje, qytetarët e Kërçovës presin më shumë se deklarata dhe paralajmërime: presin projekt konkret, financim, afate dhe, mbi të gjitha, fillimin e punimeve.
/tvgurra
