Isra Elmazi sjell Kërçovën në podiumin e Festivalit Mbarëkombëtar „Këngë Jeho“në Durrës
Këngëtarja e re nga Kërçova, Isra Elmazi, ka fituar vendin e tretë në Festivalin Mbarëkombëtar të Interpretuesve të Këngës Popullore „Këngë Jeho“, të organizuar nga Qendra Kulturore e Fëmijëve në Durrës.
Elmazi përfaqësoi Institucionin Nacional – Qendrën e Kulturës „Koço Racin“ nga Kërçova, në një festival ku morën pjesë qendra kulturore të fëmijëve nga qytete të ndryshme të Shqipërisë dhe përfaqësues nga Kosova.
Me interpretimin e saj, ajo prezantoi këngën dhe traditën e trevës kërçovare, duke u vlerësuar me vendin e tretë. Ky sukses shënon një tjetër arritje për talentet e reja nga Kërçova dhe përfaqësimin e tyre në skenën mbarëkombëtare.
/tvgurra
