Këshilli Komunal i Kërçovës rreth skandalit me flamurin?

Këshilli Komunal i Kërçovës do të shqyrtojë rastin e vendosjes mbrapsht të flamurit kombëtar shqiptar para ndërmarrjes publike Komunalec dhe do të kërkojë përgjegjësi juridike.

Në mbledhjen e radhës të Këshillit Komunal të Kërçovës, e cila do të mbahet më 8 tetor 2026, si pikë e veçantë e rendit të ditës do të trajtohet vendosja mbrapsht e flamurit kombëtar shqiptar para ndërmarrjes publike Komunalec.

Kjo vjen pas reagimeve të TV Gurrës dhe këshilltarëve komunalë Syarta Saliju Osmani dhe Kujtim Kasami.
Gjatë takimit koordinues për përgatitjen e mbledhjes, Kujtim Kasami ka insistuar që kjo çështje të përfshihet si pikë e veçantë, duke kërkuar shqyrtimin e përgjegjësisë juridike të ndërmarrjes publike Komunalec për rastin.

/tvgurra