Reagim nga Shoqata e Bashkuar Prapadishti

Bashkësia Vendore e fshatit Prapadisht dënon ashpër heshtjen dhe neglizhencën e vazhdueshme të Kryetarit aktual të Komunës së Kërçovës, i cili edhe pas kërkesave të përsëritura zyrtare, nuk ka dhënë asnjë përgjigje për një takim me përfaqësuesit e komunitetit tonë.
Kjo sjellje nuk është vetëm e papërgjegjshme, por përbën një shpërfillje të hapur ndaj qytetarëve dhe problemeve reale me të cilat ata përballen çdo ditë.

Heshtja institucionale në këtë rast nuk mund të justifikohet dhe është tregues i qartë i mungesës së transparencës, llogaridhënies dhe vullnetit për të punuar në interes të publikut.
Është e papranueshme që një institucion publik të injorojë në mënyrë të vazhdueshme kërkesat legjitime të një komuniteti të tërë. Një qasje e tillë minon besimin e qytetarëve në institucionet lokale dhe dëmton rëndë parimet bazë të qeverisjes së mirë.

Bashkësia Vendore e fshatit Prapadishtë nuk do të pranojë më këtë trajtim dhe paralajmëron se, në mungesë të një reagimi të menjëhershëm, do të ndërmarrë hapa të tjerë konkretë, përfshirë adresimin e çështjes në instanca më të larta institucionale dhe sensibilizimin e opinionit publik.
Kërkojmë përgjegjësi, transparencë dhe veprim – jo heshtje.
Bashkësia Vendore e fshatit Prapadishtë

FOTO:

/ms