Nesër, eklipsi i pjesshëm diellor do të shihet edhe nga Kërçova !

Më 12 gusht 2026, qielli mbi Maqedoninë e Veriut do të ofrojë një dukuri të rrallë dhe spektakolare astronomike – eklipsin e pjesshëm diellor, i cili do të përkojë me perëndimin e Diellit.

Edhe qytetarët e Kërçovës do të kenë mundësi ta vëzhgojnë këtë fenomen, por vetëm për një kohë të shkurtër. Sipas të dhënave të publikuara, në Kërçovë eklipsi pritet të jetë i dukshëm rreth orës 19:50–20:00, nëse kushtet atmosferike janë të favorshme.

Për ta parë sa më mirë fenomenin, rekomandohet një vend me horizont të hapur në drejtim të perëndimit, pa ndërtesa, male apo pengesa të tjera që mund ta mbulojnë Diellin.

Kujdes: Mos e shikoni Diellin drejtpërdrejt me sy të lirë. Për vëzhgim të sigurt duhen përdorur syze speciale për eklipse diellore.

/tvgurra