Aktivitete infrastrukturore në zhvillim në Kërçovë

Në kuadër të ditës së sotme u realizua një inspektim i detajuar i aktiviteteve ndërtimore që janë në zhvillim, si dhe i projekteve që pritet të realizohen në Kërçovë dhe rajonin e Kërçovës, së bashku me deputetin Gjorgjia Sajkoski.

Vëmendje e veçantë iu kushtua aktiviteteve infrastrukturore në lagjen “Ivanidol”, një nga lagjet më të mëdha në Komunën e Kërçovës. Me realizimin e aktiviteteve të parashikuara, ky pjesë e qytetit po pajiset me infrastrukturë moderne, në përputhje me standardet bashkëkohore të ndërtimit dhe nevojat e banorëve.

Në fazë të avancuar është edhe ndërtimi i këndit të ri të lojërave për fëmijë, pranë ndërtesave tek ish “Crn Bor”, në rrugën magjistrale në Kërçovë. Aktivitetet ndërtimore filluan në muajin gusht, ndërsa me realizimin e tyre po krijohet një hapësirë funksionale për më të vegjlit – vend ku fëmijët do të mund të luajnë pa shqetësime, të shoqërohen dhe të kalojnë më shumë kohë në ambient të hapur, në një mjedis të këndshëm, të sigurt dhe të rregulluar.

Paralelisht po punohet edhe në rregullimin e hapësirës së parkimit pranë “Ndërtesave Ushtarake”, në zemër të qytetit. Hapësirë që për një periudhë të gjatë ka paraqitur problem për banorët e këtij pjesë të Kërçovës, tani po rregullohet me ritëm të përshpejtuar dhe punimet janë në fazën përfundimtare.

Në periudhën që pason, Komuna do të jetë më shpesh pranë qytetarëve, në terren, aty ku krijohen dhe zgjidhen problemet reale. Nevojat, propozimet dhe vërejtjet e qytetarëve do të vazhdojnë të jenë bazë për përcaktimin e prioriteteve për zhvillimin e Kërçovës.

Hap pas hapi, punohet që Kërçova të marrë pamjen dhe infrastrukturën që e meritojnë banorët e saj. Nuk janë harruar as problemet më serioze që prej dekadash i preokupojnë kërçovarët – për to po punohet me aktivitete konkrete, projekte dhe zgjidhje që synojnë të sjellin përfitime afatgjata për qytetarët.

FOTO:

/ms