Myftinia e BFI – Kërçovë: Takim me personalitete të rëndësishme nga vendi dhe diaspora

Sot, në zyrat e Myftinisë së Kërçovës, patëm nderin të mirëpresim personalitete të shquara nga jeta fetare, shkencore dhe afariste, nga vendi dhe diaspora shqiptare.
Në këtë takim morën pjesë:

• Mr. Hafiz Ferit Zeqiri, imam në Regensdorf të Zvicrës;
• Nezir Ramadani, imam në Dortmund të Gjermanisë;
• Dr. Qemal Rushiti, kirurg në Kirurgjinë Abdominale në Shkup;
• Dr. Nure Suloja, kardiolog në Mynih të Gjermanisë;
• Dr. Rushit Rushiti, biokimist në Madison, SHBA;
• Muhamed Mehmedi, imam dhe kryetar i Kallirit të Mirësisë;
• Sadem Bajrami, imam dhe ligjërues i lëndës fetare;
• Fari Ibrahimi, afarist i suksesshëm në Itali;
• Shpëtim Pasholli, aktivist i dalluar.

Gjatë takimit u zhvillua një bashkëbisedim i frytshëm për tema të ndryshme që lidhen me vendlindjen, sfidat dhe nevojat e komunitetit, si dhe për rëndësinë e bashkëpunimit dhe koordinimit të aktiviteteve ndërmjet diasporës dhe vendlindjes.

U diskutua gjithashtu për mundësitë e shkëmbimit të përvojave, ideve dhe kontributit të përbashkët në zhvillimin e komunitetit dhe në forcimin e lidhjeve me diasporën.
Myftinia e Kërçovës shpreh mirënjohje për të gjithë të pranishmit për kohën, kontributin dhe gatishmërinë e tyre për të qenë pjesë e nismave në shërbim të vendlindjes dhe komunitetit.

/ms