Në aksident trafiku humbi jetën një shofer në rrugën Gostivar – Kërçovë !
Sot rreth orës 17:10, në Stacionin Policor të Gostivarit është raportuar se në rrugën magjistrale Gostivar – Kërçovë, në afërsi të një objekti hotelierik, ka ndodhur një aksident i rëndë trafiku, në të cilin janë përfshirë dy automjete: një “Peugeot”, i drejtuar nga N.S. (34) nga Gostivari, dhe një “Opel Astra”, i drejtuar nga Gj.P. (63) nga Shkupi.
Në aksident, një mjek i Ndihmës së Shpejtë Mjekësore ka konstatuar në vendngjarje vdekjen e drejtuesit të automjetit “Opel Astra”, Gj.P. (63).
Drejtuesi i automjetit “Peugeot”, N.S. (34), ka pësuar lëndime të rënda trupore dhe është transportuar në Qendrën Urgjente në Gostivar për t’i ofruar ndihmë mjekësore.
Në vendin e aksidentit, këqyrjen po e kryen një prokuror publik nga Prokuroria Themelore Publike e Gostivarit, në bashkëpunim me një ekip të SPB-së Gostivar.
/a10n
