Arrestohet një “mjek” i rremë nga Maqedonia! Ja pse ?

Pjesëtarët e Ministrisë së Punëve të Brendshme të Serbisë, në bashkëpunim me policinë kufitare të Maqedonisë së Veriut, kanë arrestuar S.K. (56), shtetas të Maqedonisë së Veriut, i cili dyshohet se është paraqitur si mjek dhe ka marrë para nga qytetarët me premtimin e rremë për trajtimin e anëtarëve të familjeve të tyre.

Sipas dyshimeve, nga 4 deri më 13 qershor të këtij viti, duke u prezantuar si mjek nga Maqedonia, ai ka kontaktuar me telefon tre qytetarë nga zona e Vranjës dhe u ka thënë se anëtarë të afërt të familjeve të tyre kishin pësuar lëndime të rënda, duke i mashtruar ata. Më pas, siç dyshohet, ai ka shkuar në adresat e të dëmtuarve dhe ka marrë prej tyre një shumë të konsiderueshme parash.

I dyshuari, i arrestuar me urdhër të Prokurorisë Themelore Publike në Vranjë, është ndaluar për 48 orë për shkak të dyshimit se ka kryer veprën penale të mashtrimit të vazhdueshëm. Pas kësaj, ai do të dërgohet para prokurorisë kompetente së bashku me kallëzimin penal.

/ts