Trump refuzoi propozimin e Iranit për Ngushticën e Hormuzit, nafta Brent rritet mbi 3% !
Çmimet e naftës janë rritur ndjeshëm në tregjet ndërkombëtare, pasi Presidenti i SHBA-së, Donald Trump, refuzoi propozimin e Iranit për rihapjen e Ngushticës së Hormuzit dhe për përfundimin e armiqësive.
Nafta Brent u rrit me më shumë se 3%, duke kaluar në 107 dollarë për fuçi, ndërsa nafta amerikane WTI u rrit rreth 2%, duke iu afruar 94 dollarëve për fuçi.
Rritja lidhet me shqetësimet për furnizimin global me energji, pasi Ngushtica e Hormuzit është një nga rrugët kryesore për transportin detar të naftës.
Irani kishte propozuar rihapjen e ngushticës dhe rifillimin e negociatave bërthamore me Uashingtonin brenda shtatë ditësh, por me disa kushte. Trump konfirmoi se e kishte refuzuar ofertën.
Vendimi ka rikthyer pasigurinë gjeopolitike në tregun e energjisë, ndërsa investitorët po ndjekin me vëmendje zhvillimet në Lindjen e Mesme dhe ndikimin e tyre të mundshëm në transportin dhe furnizimin me naftë.
/ts
