Në Kërçovë u mbajt koncert me grupe muzikore të përbërë nga nxënësit e shkollave fillore dhe të mesme

Në Pallatin e Kulturës në Kërçovë mbrëmë u mbajt koncerti “New Generation Bands Concert” ku u prezantuan talente të reja të skenës së muzikës rok shqipe dhe të huaj, por u dëgjuan edhe këngë të lehta, të vjetra shqipe nga këngëtarja e mirënjohur Vaçe Zela, njofton Portalb.mk.

Në skenë performuan Acoustic Trio band i cili është i përbërë nga tre anëtarë dhe atë: Isra Elmazi (Vokal) Gert Ferati (Gitarë) dhe Elmir Begzati (Gitarë)

Organizatori i koncertit Jetmir Mehmedi për Portalb.mk tha se koncerti kalojë shumë mirë dhe janë tej mase të kënaqur me performancën që u shfaq mbrëmë.

“Koncertin e mbrëmshëm që u mbajt në Pallatin e Kulturës në Kërçovë e organizoi drejtori i pallatit Mazllam Osmani dhe ai e mundësoi transportin, sallën, zërimin dhe ndriçimin për tu realizuar ky koncert, të cilin e falënderoj shumë në emrin tim dhe nxënësve që morën pjesë”, tha Mehmedi.

Në pyetjen se si e mirëpriti publiku, dhe sa kishte të interesuar për këtë koncert, Mehmedi edhe më tej shtoi: Publiku kërçovar si gjithmonë është një publik shumë entuziast për eventet kulturore, dhe ishte në numër shumë të madh, dhe kjo ishte nga nostalgjija që kishin për skenën e rok muzikës, të cilëve ua kemi servuar në moshën adoleshente, unë me shokët e mi të grupit Uskana e Re,dhe grupet e të rinjve që u shfaqën mbrëmë, mendoj që e përçuan këtë mesazh ashtu si që i ka hije rok skenës.

“Puna me nxënës dhe talente të reja është mjaft delikate, dhe unë sivjet i bëj 10 vite që punoj te Shkolla e Muzikës në Tetovë. Ka mjaft talente dhe fëmijë ambicioz me të cilit duhet të punohet, andaj gjithashtu i falënderoj kolegët e mi të cilit kanë punuar individualisht me këto nxënës si profesor Shkelzen Pajaziti (profesor i violinës) profesoresha Dajana Malollari-Pajaziti profesori Egzon Leka dhe kolegun e kitarës profesor Stefan Volçevski”, tha Mehmedi.

Mehmedi shtoi se edhe me tej do jetë një përkrahës i gjithë atyre që janë të interesuar për këtë lëmi.
“Normal që po nga se ardhmëria e çdo gjëje janë rinia, dhe ato duhet të jenë edhe më të mirë se ne, dhe të punojnë më shumë se ne, e sidomos në sferën e kulturës.

Jam me fat që i njoh këta nxënës dhe jam me fat që kam punuar me këto 3 bande si Acoustic Trio Bandi, Chapter 6 dhe Thunderstrike. Le të jetë ky një fillim i mbarë i një pune të gjatë për të ringjallur skenën e muzikës Rock”, tha ai.

Gitaristi Gert Ferati për Portalb.mk tha se janë një band i ri i sapo formuar që quhet Acoustic Trio Band.
“Jemi dy kitarist dhe një vokaliste. Ky festival do të thotë shumë për mua, sepse është hera e parë që dal ne skenë, dhe gjithë ky eveniment i bukur u përgatit falë profesorit tim Jetmir Mehmedi, që shfrytëzoj rastin ta falënderoj përzemërsisht”, tha Ferati.

Nuk mungoi energjia, zëri dhe shpirti i adoleshentëve që i ofruan publikut që ishte i pranishëm për ti frymëzuar dhe më gjerë.

Programi që shfaqën ky band ishin 3 këngë:
1.Milion Dreams-Greatest Showman, Gjyshja ime- Vaçe Zela, Valsi i Lumturisë-Vaçe Zela.
2.Chapter 6 Band: Mohikani fundit, Still loving you, Çka mka syri, Hotel california, Rumor has it.
3.Thunderstrike: Begin, I wanna be your slave, Hape veten, Të pres, Endërr e prerë.

/portalb