Dimri po vjen në Zvicër: Ja kur hapen qendrat e skijimit

Reshjet e para të borës kanë sjellë nisjen e sezonit të skijimit në Alpet zvicerane. Disa qendra tashmë janë hapur, ndërsa të tjerat presin vizitorët gjatë nëntorit dhe dhjetorit, në varësi të motit dhe borës.

Në Diavolezza, Engelberg-Titlis, Mürren-Schilthorn, Verbier dhe Tschentenalp sezoni ka filluar, në disa zona vetëm gjatë fundjavave. Në Saas-Fee dhe Zermatt, sezoni zyrtar dimëror nisi më 1 nëntor.

Hapjet e planifikuara në nëntor:
– 7 nëntor: Glacier 3000.
– 13 nëntor: Parsenn, Davos/Klosters, gjatë fundjavave.
– 14 nëntor: Gemsstock.
– 21 nëntor: Corvatsch.
– 28 nëntor: Disentis gjatë fundjavave; Flims-Laax dhe Arosa/Lenzerheide. Në të njëjtën datë parashikohet hapje e pjesshme në Crans-Montana, ndërsa Adelboden-Lenk nuk pritet të hapet më herët.

Gjatë dhjetorit planifikohen hapjet në Aletsch Arena më 5 dhjetor, Belalp më 12 dhjetor dhe Klewenalp, Meiringen/Hasliberg e Saas-Grund më 19 dhjetor.
Flumserberg dhe Elm ende nuk kanë konfirmuar datën e saktë të hapjes. Oraret dhe pistat e disponueshme do të varen nga kushtet atmosferike.

/albinfo